Halldór Halldórsson oddviti Sjálfstæðisflokksins í Reykjavík er eini oddvitinn í borginni sem er búinn að skipta um prófílmynd á Facebook til að taka þátt í átakinu #Höfumhátt í tengslum við Druslugönguna.
Síðan 2015 hefur fólk verið hvatt til þess að skipta um prófílmynd ef það þekkir einhvern sem hefur orðið fyrir kynferðisofbeldi, þá með gulri mynd, eða hefur sjálft orðið fyrir kynferðisofbeldi, þá með appelsínugulri mynd. Svo má líka blanda þessum myndum saman.
Halldór er sá eini sem er núna búinn að breyta myndinni sinni á Facebook á þennan hátt, aðrir oddvitar, Dagur borgarstjóri, S. Björn Blöndal í BF, Sveinbjörg Birna flugvallarvinur, Halldór Auðar Pírati og Líf Vinstri græn, hafa ekki breytt myndunum sínum. Þó skal taka fram að Dagur borgarstjóri merkir sig druslugöngunni á Facebook en þó ekki með gulu eða appelsínugulu myndinni.